Dagskráin næstu daga

Það er búið að setja Kórdrengjaleikinn á sunnudaginn 6. des klukkan 15. Júmboys leikurinn verður sennilega föstudaginn 18. des, fæ það staðfest síðar í vikunni.

En við byrjum að sjálfsögðu á æfingu miðvikudag klukkan 21:30. Látið vita með mætingu hér fyrir neðan. Svo eru næstu leikir hjá okkur eftirfarandi:

Lau. 28.nóv.2009 12.00 Laugardalshöll Þróttur - FH
Fös. 4.des.2009 19.45 Kaplakriki FH - Lukkan
Sun. 6.des.2009 15.00 Mýrin Kórdrengirnir - FH

Leikur í kvöld, föstudag

Minni á leikinn í kvöld við HK í Digranesi klukkan 20:30. Mæting 20:00. Endilega staðfestið hér fyrir neðan hvort þið mætið eða ekki. Ég mæti ekki sjálfur, ennþá ónýtur í baki og öxl. Ef ég vissi ekki betur myndi ég halda að ég væri orðinn of gamall og í of lélegu formi. En þið takið á þeim og munið að spila fast frá fyrstu mínútu því þeir gera það pottþétt. Ef við vinnum þennan leik erum við komnir vel á veg með að tryggja okkur í efri deild eftir áramót.

Búið að fresta sunnudagsleiknum og úrslit

Kórdrengirnir samþykktu að fresta sunnudagsleiknum og finnum við nýjan tíma á hann síðar.

En stórsigur á móti afar slöku liði HKR 34-17 í kvöld en staðan var 17-7 í hálfleik. Samt var markmaðurinn þeirra örugglega með 20+ varin. Mörkin okkar skoruðu:
Beggi 10
Óli Heimis 7
Haukur, Andri, Valli og Óli Björns 3 hver
Jökull, Höddi, Jói, Elli og Hilmar 1 hver
Vörnin var öflug hjá okkur með Begga og Óla Björns sem bestu menn. Annars voru allir að spila ágætlega þó svo að skotnýtingin hefði mátt vera betri. Stykkið og Jökull skiptu markmannsstöðunni bróðurlega á milli sín og stóðu báðir sig vel. Ólarnar stóðu sig báðir vel en Beggi klárlega maður leiksins.

Síðan átti ég alltaf eftir að henda inn smá umfjöllun um leik okkar á móti Árborg sem við unnum fyrir austan 30-27. Því miður erum við ekki með markaskorara úr þeim leik en ég held að Óli Björns hafi verið atkvæðamestur. Fínn fyrsti leikur hjá okkur þar sem við byrjuðum vel og náðum nokkurra marka forskoti strax í byrjun en misstum það niður í lok fyrri hálfleiks. Um miðjan seinni hálfleik náðum við frumkvæðinu á nýjan leik og létum það aldrei af hendi gegn annars fínu Árborgarliði. Stykkið var pottþétt maður leiksins því hann var með hátt í 30 varin. Eins og þeir sungu í ÍH laginu forðum: "eftir 30 skoruð og 20 varin við brunum allir beint á barinn". En við brunuðum reyndar á KFC þars sem kalla þurfti út aukavakt - og það bara fyrir mann leiksins. Svo er við hæfi að yfirfæra í lokin á okkur annað erindi úr fyrrnefndu ÍH lagi:

Rósir eru rauðar,
fjöllin eru blá.
Hverjir eru bestir?
FH!

p.s. Muna ekki allir eftir markinu hans Jóa á móti Árborg?

Æfing í kvöld og tveir leikir um helgina

Minni á æfinguna í kvöld klukkan 21:30. Geri ráð fyrir fanta mætingu þar sem það eru tveir leikir fram undan um helgina. Einnig voru margir sem mættu á árgangamótið heitir fyrir að mæta á æfingar hjá okkur.
En við eigum heimaleik á móti HKR á föstudaginn í Krikanum klukkan 21:30. Kannski nauðsynlegt að hefja dómaraleitina strax. Spurning hvort Óli Björns geti tékkað á Jóni Karli en við erum að tala um að hver leikmaður borgar 500kr eins og venjulega. Látið endilega vita hér í commentunum hvort þið getið reddað dómara.
Síðan er leikur í Mýrinni í Garðabæ við Kórdrengina á sunnudaginn klukkan 15:30. Sem ég er að sjá núna að er alveg fáránlegur tími þar sem Haukar vs FH er klukkan 16:00. Á ég að reyna að láta fresta leiknum? Látið skoðun ykkar í ljós hér fyrir neðan og einnig hvort þið mætið á æfinguna og í leikina.